سجل مش مدني بقلم لولي سامح

طمني 
_ عدلت اسم ماما الحمد لله..
لابتسم واربت على قدمه قائلة طب يا عم وقعت قلبي ...
الحمد لله أن الپهدلة ده جت بفايده ..
وريني الورق اللي بهدلك كل ده ...
مازال ينظر لي بأسف ثم نطق قائلا أنا آسف 
عقدت حاجبي متسائلة آسف علي إيه يا ابني سجل مش مدني بقلم لولي سامي 
علشان پهدلة الهدوم يعني ولا يهمك هغسلهم وهيبقوا زي الفل .

اماء سلبا برأسه لاسأله مجددا أمال في إيه انطق يا احمد ...
لم يجيبني بل اخرج الورق الذي بحوزته قاىلا كنت عامل قيد عائلي لينا احنا كمان بس طبعااسم والدتي كان غلط علشان كدة الموظف المرة اللي فاتت مرضيش يختمه ....
لما صححت اسم والدتي فعملت قيد عائلي لينا تاني باسم والدتي الصحيح قدمت للموظف القيد القديم علشان ينقل منه بياناتك صحيحة والله علشان ميتلغبطش ولما خلصه ختمته على طول 
ثم قدم الورق لي لانظر به وانا لا افهم ما المشكلة بالأمر ...
أمسكت بكلا الورقتين وبدأت بقراءة البيانات والتفاصيل والمفاضلة بينهم حتى وصلت لاسم والدتي فاتسعت حدقتي ورفعت نظري تجاهه لاجده يوما برأسه قاىلا والله ما خدت بالي الا لما وصلت هنا ....
كنت ببص علي اسم والدتي ولاقيته اتصحح فختمت الورق وطلعت وركبت عربيتي ووصلت هنا ...
ولما وصلت وانا بلم الورق من الكرسي اللي جنبي فعيني جت على اسم والدتك ولاقتهم غلطوا فيه مبقتش عارف اعمل ايه ...
بجد حقك عليا واسف ....
هتضطري تجري في تعديل اسم والدتك .
ما زلت أحدق به وانا اتمتم هدخل السجل تاني ..
واقف في طابور برة وطالور جوة تاني ....
واحتمال ميخلصش من اول ولا تاني ولا ثالث مشوار .....
وادفع تعديل ومواصلات وخصم من المرتب علشان الغياب .....
وممكن بعد ما اخلصه الموظف يغلط في حاجة تانية فنعيد من الاول تاني ....
صمت برهه وكأنني احاول إدراك الأمر وفجأة تفوهت قائلة طلقني يا احمد .....
اسكريبت سجل مش مدني بقلم لولي سامي 
.