العنيده

خالص يعنى أنا دلوقتى مش عصبي ابدا بالنسبه للعصبيه اللى بجد 
. ........ده بيهددنى ده وللا إيه ! ! ! ! ! ! ! ....ممممممممم. ..قصدك يعنى اسكت واسمع الكلام عشان ماشفش منك العصبيه اللى بجد. .صح 
_ مرام 
معلش قبل ما تكمل كلامك عايزه اقولك حاجه. ..
مصطفى اللى كان خاطبنى قبلك كان طول السنه والنص اللى اتخطبنا فيهم هادى ومفيش لا خناق ولا عصبية خااالص. ..واليوم اللى اتعصب عليا فيه وحاول يزعقلى كان هو نفس اليوم اللى قلعت فيه دبلته. ..

_. ..........................شكرا يا مرام. .
....
.....و قفل. ..
بصوا. ..
أنا نفسي والله العظيم معرفش ايه اللى بيحصل معايا فجأة كده. .
ليه بتعصب عليه كده. .
وليه بقوله كلام وحش بالشكل ده. .
وليه مش بستحمل منه حاجات بسيطه ذى دى مع إنى مع مصطفى كنت مستحمله كتيييير أوى. .
كنت بعديله وكنت بطنش كتير اوى. .
مع إن مصطفى ده كان هو اللى يستحق منى كل معامله سيئه وكل أسلوب قاسې ووحش. .
الكام يوم اللى عرفت فيهم عمرو عرفتنى الفرق الشاسع بين الخطوبة الطبيعيه وبين اللى كنت عايشاه مع مصطفى. .........
بعد ما قفل دموعى نزلت ودى حاجه مش بتحصل كتير خالص زعلانه من نفسي أوى أوى. .
و زعلانه أوى عشان صوته قبل ما يقفل كان بيقول انه موجوع اوووى وهو مايستاهلش كده خالص 
ندمانه والله. ..
ماكنتش أتخيل ابدا إن يوم خطوبتى انا وعمرو يبدأ بالشكل ده. .
بعد ما كنت مبسوطه أوى دلوقتى قاعده اعيط وعمرو الله أعلم بحاله دلوقتى. ..
قلت لنفسي أبطل عياط شويه وأفكر فى حل وللا أشوف هصلح اللى حصل ده اذاى. .
أول مره ابقي فالموقف ده. .
مش عارفه يعنى أنا المفروض اصالحه وللا اسيبها تتحل لوحدها. .
طيب هو أنا اصلآ ينفع اصالحه وللا هيبقي شكلها وحش فى حقى. ..وللا ممكن مثلا لما اروح اصالحه هو يصدنى لأ عمرو طيب وبيحبنى ومش ههون عليه يصدنى كده. .
طيب اصالحه اذاى بقي. ..
وبدل ما اقعد أجهز نفسي و استعد وابقي مبسوطه ذى أى عروسه. .ادينى اهه قاعده حزينه وحاسه انى عامله مصېبه ...
وبعد تفكير كتير قررت ابعتله رساله 
على فكرة ماكانش قصدى اقول كده 
وطبعا ما ردش. ...
هنت عليك ماتردش عليا 
...................................
طيب مش هتصالحنى بقي يللا 
...........وبردوا مفيش رد. .
و اضطريت انشغل فالحاجات الكتير اللى ورايا. 
وكنت كل شويه أشوف إن كان بعتلى أو اتصل وطبعا من غير نتيجه. ..
وكنت ناويه اتصل بيه بس رجعت فكلامى لأنى خفت مايردش عليا ويكسفنى. ..
وقررت استنى لما ييجى بالليل .....
لما وصل عمرو وأهله عشان الخطوبه. عمرو كان شكله طبيعى مع الكل. لكن ماقالش كلمه واحده ليا وكله تمثيل قدام الناس وخلاص. .
وانا حاولت معاه بكام كلمه كده وهم قاعدين بس قالي إني حتى ماهانش عليا أتصل بيه وأكلمه. مجرد كام رساله وخلاص. 
المهم خلصت الحفله على نفس الوضع. .
وبعد ما فكرت قررت إني أشوف طريقه نقعد مع بعض سوا ونتكلم ذى ما هو كان عايز وطلب قبل كده.
فضلت مستنيه منه رساله أو اتصال ليلة الخطوبة بس محصلش وزعلت جدا وتقلب عليا ذكريات خطوبتي الأولى بس أن جيتوا للحق انا السبب مش عمرو لأنه كان عايز يعمل المستحيل عشان يراضيني وابقى فرحانة بيه زي ما هو فرحان بيا المهم بابا سافر تانى يوم وانا رحت ل عمي وفضلت أتحايل عليه يعزم عمرو عنده عالغدا انهارده بما إن بابا سافر. 
وقلت ل عمي إني مالحقتش أتعرف عليه ولا أقعد معاه وده ماينفعش لأننا هنتجوزوا بسرعه ولازم نقعد سوا. .
وفالاخر عمي حبيبي وافق وعمل معجزة وخلى بابا كمان يوافق واتصل ب عمرو ويومها قعدنا سوا فالبلكونه وقت طويل وانا صالحته وعرفته إني صاحبة الفكره دى بعد كده عمرو رجع شغله. واتفق مع عمي انهم يشوفوا حل يخليني أعرف أشوف الشقه عشان لو هيغير فيها حاجه وعمرو وعمي فشلوا فى إقناع بابا انه يوافق نروحوا كلنا نشوف الشقه طبعا ما أنتم عارفين طبع بابا صعب جدا وعنيد كمان زيما قلتلكم في الأول طبعا انا زعلت جدا جدا من بابا بس مقدرتش اتكلم.
عمرو حبيبي ربنا يخليهولي صورلي الشقه ب كاميرا فيديو محموله. وجابلي الكاميرا وانا اتفرجت عليها 
ولاحظت إن فى حيطان فى غرفة النوم متكسر فيها حاجات استغربت قوي ولما سألته أتردد بس فالاخر قالي إن خطيبته السابقه عملت بروزات ب أول حروف فى أسماءهم في 2 من حيطان الغرفه وهو كسرهم قبل التصوير عشان شكلهم مايضيقنيش.
انا استغربت من الحكايه دى وشافتها حاجه رومانسية أوى وبدأت أفكر فى شكل علاقة عمرو بخطيبته السابقه وإن ممكن فعلا إن البنت كانت بتحبه وكانت مغرقاه رومانسية بقي وحركات. .
بس ماسألتوش لاني كنت خاېفه أسمع كلام يضايقني وفضلت السكوت. .
المهم انا طلبت منه يغير كذا حاجه فالشقه ....
عمرو فجأه قالي إنه غير رقم موبايله وبقي يكلمني من الرقم الجديد ولما سألته عن السبب ماقالش غير إنه تغيير وخلاص. 
مره وهو بيكلمني سمعت نغمة موبايل بيرن وبعد محاولات عرفت إن ده رقمه القديم وإنه لسه شغال. ولما صممت أعرف السبب حكالي الحقيقه. 
قال إن خطيبته السابقه من وقت ما أعلنوا خطوبتنا على بعض وهى كل يوم بتكلمه أو تبعتله رساله. .
وإنها مڼهاره ومش مصدقه انه خطب بالسرعه دى. 
وإنها كانت فاهمه انه هيرجعلها بعد ما يهدى شويه .
وطبعا انا من جوايا كنت بمۏت لما عرفت بس قررت أتكلم معاه عادى وبعقل عشان يتعود مايخبيش عليا حاجه تانى وكنت عايزه أحسسه إن الموضوع تافه اصلا ومايستاهلش زعلي منه وسألته ليه لسه مشغل الخط القديم قالي إن فى ناس كتير مهمه تبع شغله معاهم الرقم ده وهو لما يطمن إن الكل عرف رقمه الجديد هيلغى الخط القديم خالص وإنه مش بيرد على مكالماتها وإنها بقت تتصل من أرقام غريبه كمان. وتعبت رسايل. .
انا بعد تفكير قررت. .
وقولتله يجيبلي الموبايل اللى فيه الخط القديم ويسيبه معايا لحد ما أنفذ اللى فدماغي. وهو إني بعد ما خدت الموبايل رديت على أول رقم غريب اتصل وكانت هى فعلا. .
وانا فهمتها إن عمرو اداها الخط عشان هو زهق من مكالماتها ورسايلها وقولتلها إن عمرو أخلاقه ماسمحتلوش يروح يشتكي ل باباها ويقوله عاللى بنته بتعمله بس بلغتها بردوا إنها لو استمرت على كده إن انا بنفسي هتصل بباباها وأحكيله. ..
والبنت فعلا بعدها ماتصلتش تانى ولا بعتت أى رسايل حتى........
وكملت الخطوبة بدون اى خناقات بينا الحمدلله 
وبعد الجواز بقينا كويسين مع بعض جداااا. 
وأقسم بالله إن للآن وبعد كل سنين الجواز دى مفيش بينا خناقات الحمدلله وعمرو بيحبني جدااا وانا بقيت أغير من نفسي كل فترة عشانه لأنه يستاهل حقيقي يعنى أغير لون الشعر أو شكل هدوم البيت أو اللانجريهات وكده يعني هههه.
وانا مش مقصرة في شغلي ولا في أهتمامي ببيتي وجوزي بالعكس أهتمامي بعمرو زاد من حبه ليا الحمدلله وبصراحة بقيت بتجنب بابا لاني من جوايا لسه مش مسمحاه على قسوته علينا ولا عدم أهتمامه بمشعرنا لكم أن تتخيلوا أنه مدخلش بيتي من يوم الصباحيه وانا بقالي كام سنة متجوزة وغير كده بيبعتلي الحاجات والمواسم مع أخواتي. .
من خلال تجربتي بقولكم تستخدموا كل ذرة ذكاء عندكم فى سبيل إسعاد نفسكم واسرتكم الصغيره. .
وبقولكم كمان حاولوا تحتووا اجوازكم وتظهروا رومانسيتكم ليهم هتتبسطوا انتم الاتنين الراجل محتاج ذكاء فالتعامل. وإن فعلا جوزك على ما تعوديه الحمدلله مبسوطة في حياتي بس للأسف فى كذا حاجة مضيقانى انا بغير من بنتى فى مواقف كتير لما مثلا بنبقى خارجين ناكل برا هى تختار مكان وانا اختار مكان تانى باباها بقى ياخدها فى حضنه و يقولها خروجة بمزاجها و خروجة بمزاج ماما 
و ده بقى النظام دلوقتى فعلا وحاجات كتير ذى كده 
مش بغير على عمرو منها لأ بغير من حبه ليها و معاملته معاها كان نفسى اوى بابا يبقى كده وزي أي حياة لازم مع السعادة نلاقي حاجة تنغص علينا فرحتنا دي للأسف ماما ماټت من سنة ونص كان أبشع خبر اتقالى فى حياتى كلها ماما دى كانت صحبتى واختى وكل سرى الحضن الحنين زعلانه اوى أنها ماټت كده من غير ماتشوف أيام حلوة مع بابا زعلانه عليها اوى ربنا يرحمها ويغفر لها انا واختى بطلنا نروح البيت خالص بعد مۏتها جوانا مش مسامح بابا أبدا وبعدين هنروح البيت لمين وعشان مين اخواتى الولاد اتجوزوا مفيش غير بابا هناك ووجودنا معاه أو بعدنا عنه مش فارق معاه اصلا وإللى قهرنى أنه اتجوز تاني بعد خمس شهور من مۏت ماما بس دا حتى محزنش عليها ولا كأن كان فيه ما بينهم عشرة عمر وولاد شفتوا حاجه أبشع من كده
والمبرر بتاعه قال إنه محتاج حد معاه فى الشقة وأنه محتاج إلى يخدمه يمكن يكون معاه حق بس انا مش قادرة اسامحه على العڈاب اللي ماما وأحنا شفناه معاه بنحاول انا وأخواتي نتخطى مۏت ماما عشان خاطر عيالنا وأجوازنا والبيوت اللي بقت مسؤولة مننا.