العنيده
من زمن الامتحان و ادخل فالمفيد بقي واديته كام سؤال من اللى كنت مجهزاهم وهو بصراحه كان على طبيعته خالص وكلامه حلو و ردوده ذكيه ولطيفه. ...
وشويه ولقيت عمى جاى يقعد معانا فى إعلان صريح إن الجلسة أنتهت.
.........
.....
وشويه و مشي عمرو
وقعدنا كلنا نتكلم عن الموضوع. .
وعمى قالى ابلغه بكره إن كنت مستريحه ليه وللا لأ عشان هو هيتصل ب بابا يكلمه عن عمرو قبل ما قرايب عروسة أحمد يكلموه. .
وتقريبا مانمتش طول الليل.
استخارة كذا مره. وتفكير وتخيلات. ...
واول ما صحيت اتصلت ب مروه وطلبت منها تحكيلى اللى تعرفه عن عمرو. ..
كل حاجه كانت بتقولى إنه كويس اوى وانى أوافق ولو مبدءيا حتى. .
وفعلا بلغت عمى انى مستريحاله. بس أكيد طبعا لازم اقعد معاه تانى
وهو قالى إن الجلسه التانيه دى لازم تبقي فى وجود بابا. .
واتصل عمى ب بابا واتفاجأت انه حكاله حاجات بسيطه كده عن اللى حصل قلبى كان هيقف وأنا بسمعه بس عدت على خير الحمد لله وفهمت من ردود عمى عليه إن بابا مبسوط ب عمرو وبنسبهم. .
بس بابا بلغ عمى إنه هيطول اكتر من أسبوعين ولسه ما يعرفش ممكن يرجع امتى وعمى طلب منه يوافق إن عمرو ييجى عنده واقعد معاه فى حضورهم وبعد مشادات بينهم وافق بابا
عرفت من مروه إن عمرو زعل لما عرف إن بابا لسه هيطول. وفنفس الوقت عمرو مضطر يسافر ل شغله. .
وبعد يومين لقينا مامته د عبير بتتصل.
وطلبت من ماما إنها تيجى تقعد معانا شويه.
وقالت إن عمرو واخته هييجوا معاها. .
وعمى قرر نستقبلهم عنده.
وقعدنا كلنا سوا يومها.
وعمى رفض أى محاوله من عمرو أو أخته انه يقعد معايا لوحدنا. وقال نبقي نقعد براحتنا لما بابا ييجى
بصراحه بقي انا اللى طلبت كده من عمى لأنى توقعت إن عمرو ممكن يقول نقعد سوا نكمل كلامنا.
انا اكيد كان نفسي اقعد معاه لأنى فعلا حبيت كلامه وحبيت القعده معاه بس فنفس الوقت ماحبتش يفهم إن الموضوع سهل كده وإنه ممكن يقعد معايا كذا مره قبل ما يبقي فى حاجه رسمى وخصوصا إن بابا مش موجود لازم يحس انه صعب يوصلى.
وقعدنا كلنا سوا وكانت قعده رائعه مامته فعلا حاجه كده ذى البلسم وذوق كده وطيبه وشكلها حلو اصلا. .
وعمرو كان واضح أوى إنه مبسوط وبدأ يطمن إن الموضوع ماشي وخطوبتنا هتم بإذن الله. ..
وبعد ما مشيوا فضلت ارغى انا و مروه فى أوضتها. .
وطبعا كل كلامنا عن عمرو ووقتها أنا سألتها عن خطيبته السابقه بما انها حضرت خطوبته حكتلى عنها وعن الخطوبة.
بس إنت عارفه يا مروه
انا نفسي أوى اسمع سبب فسخ الخطوبه من خطيبته نفسها يعنى أنا سمعت منه هو بس وطبيعى هيطلع نفسه برئ وهى اللى غلطانه يعنى مثلا لو حد سأل مصطفى ده عنى ممكن جدا يقول كلام محصلش ويخلى الناس تفهم إن هو اللى فسخ الخطوبه مش انا.
ايه رأيك اتصل بيها وفالنص كده اجيب سيرة خطيبته.
.........بس هتبقي مكشوفه أوى وممكن تحرجنا.
لأ انا هتكلم معاها عادى واجيب سيرتها وسيرة الخطوبه وانى كنت حاضرة وكده.
وهى لو اتكلمت لوحدها يبقي كويس.
ماتكلمتش يبقي مش هجيب انا سيرة خالص..اوك
_. ............ماشي يللا. الموضوع يستحق المجازفه...
واتصلت بيها وهاله دى من نفسها كده فتحت موضوع خطوبة عمرو على بنت خالتها وكان الحوار كالاتى
فاكره بنت خالتى اللى انت حضرتى خطوبتها
_ آه طبعا فكراها
الخطوبه اتفسخت
بجد ! لا حول ولا قوة الا بالله العلى العظيم..
طيب ليه بس كده
ده حتى بنت خالتك كان واضح انها مبسوطه أوى يومها ليه تفسخ بالسرعه دى
يا بنتى هى لا فسخت ولا حاجه وفعلا طول الخطوبه كانت مبسوطه بيه برغم انه كان مضيقها عليها شويه وخانقها بطلباته بس هى كانت مستعده توافقه على اى حاجه لأن الهانم بتحبه أوى.
...طيب جميل أومال بقي ايه اللي حصل
ماما كانت عندهم امبارح لأن جوز خالتى كان بيعمل عمره ولسه راجع وكانت رايحه تسلم عليه وعمرو ده جه هو وباباه وفسخوا الخطوبه ومن ساعتها والبت مڼهاره يا قلبى
..امبارح !! اذاى يعنى
انت متأكده إن الكلام ده امبارح
مايمكن مثلا من كام يوم وللا حاجه !
_ هو ايه اللى متأكده
بقولك ماما كانت هناك امبارح ده أنا حتى استغربت اتصالك دلوقتى بالذات وقلت يمكن هتكلمينى عن اللى حصل بما انك تعرفى العريس
وأنا اصلا ماسمعتش بقية المكالمه لأنى كنت فى عالم تانى خاااالص عالم الكدب والڼصب وقلة الأدب طيب لو هو كداب وبيلعب على كل الوجوه.
مامته كمان كده
والبيه ابن عمى عارف وموافق وساكت
وياترى حد تانى يعرف بالوضع ده
تفتكروا أى بنت فى مكانى ممكن تحس ب إيه
ممكن تفكر إذاى
ممكن تتصرف ب أى شكل. ..!!
مروه قفلت التليفون وهى فى حالة صدمة.
لا انا ولا هى نطقنا ب أى كلمه
وبعد شويه وبمنتهى الهدوء طلبت منها تخرج تشوفهم راحوا على شققهم وللا لسه.
ولما رجعت عرفت منها إن الكل لسه برا ما عدا اخواتى و ...أحمد
خرجت انا وهى وقعدت معاهم وطلبت من مراة عمى تتصل ب ابنها ييجى عشان عايزاه فى حاجه مهمه أوى. .
و البيه جه. بعد ما كان الكل بيحاول يعرف منى ايه حصل. وشكلى عامل كده ليه انا و مروه. .
ولما الأستاذ وصل.
حكتلهم انا كل حاجه.
وبعد ما خلصت
انا شفتوا بقي كدب وحقاره اكتر من كده
أحمد لأ ده إنت زودتيها أوى أوى.
وحضرتك بقي قاصدانى انا بالشتيمه دى وللا قاصده عمرو وللا قاصده عمك وللا قصدانا كلنا على بعض! !
ما هو خلاص إنت مابقتيش يهمك حد تقريبا
إنت كمان ليك عين تتكلم وتزعق وتشخط.
انا عمرى ما شفت كده !
وعلى فكرة آه انا اقصدك إنت وصاحبك. ومالكش دعوه ب عمى والباقيين
عمى عمك ايه بقي .
هو إنت ولا هو عملتوا إعتبار ليا وللا ل مامتك ومامته ومراة عمكم
هتخلونى أندم على معاملتى معاكم. وبدل ما تردوهالى بالإحترام وسماع الكلام. تقفوا تبجحوا فى بعض وتهزؤا كل اللى قاعدين معاكم.
وبعد ما روقنا عمى بالكلام شويه. وطبعا الأمهات ماسكتوش هم كمان وخدولهم دور فى تهزيقنا.
اعتذرنا والدنيا هديت شويه.
بعد ما أنا طلبت من عمى إنه يفهم أحمد ده انه مالوش دعوه بيا ومش يوجهلى أى كلام بعد كده أبدا.
وتقريبا عمى اخدنى على أد عقلى وقالى ماشي.
المهم
عمى كلنا يا مرام عارفين اللى حكتيه ده
.............اللى هو ايه
.....أحمد حكالى الموضوع ده.
و د عبير حكت ل مراة عمك فالتليفون. .
يا نهار أسود. .......والله العظيم اعصابي كلها كانت سايبه وقتها وكنت كانى فى كابوس ...يعنى يا عمى حضرتك كنت عارف انه خاطب وموافق عادى كده انه ييجى يخطبني !!!!!!!!!!!!!!!!!
_ ما هو إنت لو تسكتى شويه هعرف احكيلك.
وحكالى عمى كلام مايدخلش دماغ عيل صغير. لكن شكله دخل دماغهم كلهم ومقتنعين بيه. ..
قال إن حضرة وكيل النيابه كان عايز ينهى الخطوبه من اكتر من شهر. والكل بقوا يقنعوه يصبر شويه.
بس هو كان مصمم.
وكان وقتها فى شغله ولما رجع من سفره كان باباها بيجهز نفسه عشان العمره.
وهو وخطيبته طول الكام يوم ماكانوش بيتكلموا مع بعض لأنهم كانوا مټخانقين.
وهو بلغها انهم خلاص مش هينفع يكملوا.
ومامته وباباه اقنعوه يستنى لحد ما يرجع أبوها عشان مايسافرش وهو قلقان أو زعلان.
و عرفوا بعد كده إن البنت ماقالتش أى حاجه لأهلها لانها تقريبا هى يا كانت فاهمه انهم ممكن يكونوا شوية زعل ويخلصوا أو فكرت إنها ممكن تصلح الوضع بينهم .
لأنهم لقوا مامتها بتتصل ب عمرو وتعزموا على الغدا. وكان لسه باباها مسافر بقاله يومين. .
وعمرو اعتذر منها ب لباقه ومارضيش يروح.
وهى قالتله إن خال خطيبته هيبقي موجود عشان لو مكسوف ييجى وباباها مش موجود.
بس هو برضوا مارضيش
و مامتها وقتها فهمت إن فى مشكله بينهم.
وتانى يوم اتصلت بيه مامتها وصممت انه يروح يقعد معاها شويه عشان هى عايزاه.
وفعلا راحلها.
وعمى قال إن عمرو يوم ما راحلهم حصلت هناك مشكلة بينه وبين خطيبته والموضوع كبر أوى.
و هو يومها بلغ مامتها انه بس مستنى باباها يرجع عشان يتكلم معاه.
وعمى قال إن عمرو ده كان عايز يقولها انه مستنيه يرجع عشان يفسخ الخطوبه بس اتكسف يقولها كده ويحرجها. ويحرج نفسه. وفضل انه يستنى باباها ويخلى باباه هو اللى يتصرف.
ومن يومها هو مالوش كلام مع خطيبته وحتى دبلته خلعها وغير رقم تليفونه
ولما كلم أحمد عشان ييجى هنا يقابلك. انا اللى اخترت معاد قريب عشان الناس اللى كانوا هيكلموا ابوكى عليكى.
وهو جه فعلا وقعد معاكى.
ولما حكالى أحمد عن موضوع خطوبته انا زعلت ذيك كده. بس هو جه وحلفلى انه يوم ما حددنا معاد وجه كان ناسي حكاية خطوبته دى لأنه معتبرها منتهيه.
ولما مامته حبت تيجى عندنا قبل ما يسافر على شغله. كلهم قرروا يروحوا يفسخوا الخطوبه رسمي برغم إن أبوها لسه واصل من 3 ايام بس. وعمرو مارضيش خالص انه يستنى تانى. لأن باباه كان قاله يستنى كام يوم بعد ما رجع الراجل من العمره. لأنهم مش معقول بدل ما يروحوا يسلموا عليه. يروحوا يفسخوا الخطوبة.
بس عمرو ومامته صمموا وفسخوا الخطوبة فعلا. .
وجه هو ومامته تانى يوم عندنا .اللى هو انهارده
وعلى فكرة باباه اتصل ب ابوكى انهارده وقاله انه بس مستنيه يرجع من شغله عشان ييجوا كلهم ويتقدموا رسمى.
أنا كلم بابا! !!!
يا عمى أرجوك خلصنى من الورطه دى.
لا إله إلا الله. ورطة ايه بس
ما أنا شرحتلك كل حاجة اهه
ده على أساس إن حضرتك صدقت الفيلم ده
وحتى لو ماكانش بيكدب وكل ده حصل فعلا. حضرتك مش شايف ان اللى حصل كله غلط. !!
مفيش أى مبرر ممكن للى حصل اصلا.
ب أى حال من الأحوال ماكانش ينفع ييجى يشوفنى غير لما يفسخ رسمى.
الدنيا ماكانتش هتطير يعنى.
ده غير كلمته وتبريره انه قال إيه نسي خطوبته لأنه أعتبرها مفسوخه. الجملة دى لوحدها مصېبه.
معنى كلامه إنه لا محترمها ولا محترم ارتباطهم ولا أهلها. ولا محترمنى ولا محترم اهلى كمان.
مستخف بالكل.
هو انتم ليه محسسنى انى الوحيده هنا اللى حاسه بكل ده !
وانتم كلكم بتتكلموا عادى كده وكأنه حاجه بسيطه !
عمى عشان إحنا عارفين الناس دى كويس. ومش هنكدبهم.
لأنهم فعلا ناس محترمه وأكيد مش هيحتاجوا يكدبوا اصلا.
بس انا بقي المهم بالنسبالى دلوقتى هو
