روايه نبض غرامي

دخلت بالقهوة إليه ووضعتها على المنضدة الموجودة باستراحة المكتب كما أدلت عليها سمر 
ثم تحدثت وهي تقف أمامه بارتباك فهي تخشاه قليلا 
القهوة بتاعت حضرتك يافندم جاهزة اتفضل 
تنهد ببطئ ثم خلع نظارته العملية ووضعها بإهمال على المكتب وقام من مكانه وذهب تجاه القهوة كي يتناولها بهدوء كعادته 
أما هي ذهبت إلى المكتب ونظرت إليه بتفحص شديد 
وأول شئ رصدته عيناها إيصالا بنكيا مدون فيه اثنان مليون جنيه لم تنبهر بالمبلغ فهي ابنة سلطان المهدي وأخت عمران
المهدي التى تربت على القناعة وعزة النفس 

نحت الإيصال جانبا كي لايفتقد وتلك کاړثة ثم قامت بتنظيم الملفات بعناية فائقة وحملت نظارته ووضعتها في الجورب الخاص بها ونظمت الفوضى المحاطة بالمكتب كل ذالك تحت أنظار ماهر والذي كان ينظر إليها بترقب كي يرى ماإذا كانت منتبهة أم لا 
ولما لا فالتي تعمل بمكتب ماهر البنان لابد أن تملك عيونا كالصقر وفهما ومكرا كالثعلب 
لاحظ عدم انبهارها بالإيصال وكأنها لم ترى شيئا قط 
انتهى من قهوته المعتادة وعاد إلى مكتبه ثم تحدث إليها باستفسار
مقلتليش إن جاسر يبقي بن عمك ولا انتو الاتنين جبتوا سيرة ممكن أعرف السبب 
احمر وجهها ړعبا من تساؤله المفاجئ فيالك من ذئب ماكر تعرف دبة النمل في جحره 
فاستجمعت شتاتها وأجابته 
حضرتك شغلك هنا مبني على إن مفيش حاجة اسمها قريبي أو ابن عمي أو أخوي وأنا حبيت أنفذ كل التعليمات وجاسر بردك عارف التعليمات داي فعلشان إكده ولا كأننا نعرف بعض يافندم 
رفع أنظاره إليها وتحدث وهو ينظر داخل عيناها كي يستشف مابهما 
بس أكيد عرفك نظام الشغل اهنه وفهمك كل حاجة وعلشان إكده خدتي حظرك كويس ونجحتي في الاختبار من غير تعب ولا حسابات زي زميلاتك اللي مشيوا 
كادت أن تنطق ولكن قبل أن تتحدث أشار إليها بيده قائلا 
اتفضلي اقعدي ياأنسة 
جلست على الكرسي وداخلها متوتر من هالته القوية التى تراها فيه فقلبها يدق پعنف من الجلوس أمامه كما التلميذ أمام المعلم وأجابته وهي تتحمم 
مش هكذب يافندم إنه عرفني طريقة حضرتك وعرفني إن فيه اختبارات وإن حضرتك دايما بتطلب حاجات تعرف منيها مدى استيعاب اللي بيشتغل معاك لكن معرفنيش الاختبار نوعه ايه ولا ميتى ولا أتصرف فيه إزاي وأظن البنات اللي مشيوا حضرتك نبهت في أول مقابلة لحاجات زي داي وكمان أني عنت الملفات في مكان ميجيش في بال حد ولا حتى بن عمي 
رفع حاجبه باستمتاع وهو معجب برد تلك الماكرة الصغيرة والتى تنبأ لها في الحال بأنها ستكن ذات شأن عظيم في مهنة المحاماة 
ثم أشاد مرددا بإعجاب لأول مرة 
برافو برافو ردك منظم
وواعي ونوعا ما أقنعتيني بس في حاجة مهمة لازم تعرفيها ياأنسة إن الطريق المستقيم هو أسهل الطرق يعني الصراحة والوضوح في أي شئ هيكسبوكي كتييير دهاء المحاماة مبيستخدمش في كل الأوقات ودايما سيبي مساحة راحة لعقلك ومتزحميهوش بأي تفاهات علشان متتشتيش ودي نقطة مهمة لازم تاخدي بالك منيها 
كانت تنظر إليه بانبهار وتدون كل ما قاله في قلبها قبل عقلها فهو مثلها الأعلى ودوما تراه في مرتبة الشرف الأولى لتلك المهنة 
وهتفت باستجواد 
تعاليم حضرتك بالنسبة لي هجمعها في عقلي وهعملها مدونة جواه وهركز فيها دايما وهراجعها علطول وبإذن الله هكون تحت حسن ظن حضرتك 
هز رأسه باستحسان وسألها بمغزى 
كان فيه شيك هنا بتاع عميل مهم ودتيه فين 
بسرعة فائقة ناولته الشيك قائلة 
اتفضل يافندم 
تناوله منها ووضعه في الدرج أمام عيناها ثم تحدث وهو يشير ناحية الباب
تمام يارحمة اتفضلي انتي روحي شوفي شغلك ولو احتاجت حاجة هبعتلك 
قامت من مكانها وانصرفت من أمامه وخرجت تعاود عملها بمهنية 
ليلا وبالتحديد عند غروب الشمس تجلس رحمة في حديقة المنزل تراجع دروسها فالامتحانات أوشكت علي البدئ وأثناء اندماجها استمعت إلي صوت تعرفه جيدا 
أه الست المحامية الكبيرة اللي نسيت واد عمها اللي مبقاش يتلم عليها عاد ولا يتكلموا مع بعض زي الاول 
رفعت رأسها وتحدثت بابتسامة ارتسمت على معالم وجهها وأبرزت أسنانها البيضاء بشدة 
وه هنقر من الاول عاد يامتر تعال اقعد إنت اللي مش فاضي لتلميذتك النجيبة وبت عمك 
جلس أمامها وهتف باستنكار
وه أني بردك ! أه خدوهم بالصوت قبل مايغلبوكم اهه المثل ده ينطبق عليكي يابت عمي 
قهقهت بشدة على طريقته الدعابية وأردفت باعتذار محبب 
خلاص متزعلش واصل حقك علي قول لي أخبار قضاياك ايه اللي مبتخلصش 
تنهد بتعب حينما ذكرته بها واجابها بحمد 
ايه الحمدلله بحاول بقدر الإمكان أجتهد علشان يبقي ليا مكان وسط العتاولة اللي موجودين الله المستعان يارحمة 
وتابع كلماته وهو يسألها عن حالها 
قولي لي كيفك انتي في مذاكرتك وعاملة إيه في شغل المكتب ووصلتي لحد فين 
مطت شفتيها بامتعاض واردفت
اسكت ياجاسر المتر النهاردة طلع مش سهل واصل واتكسفت حتة كسفة 
أنصت باهتمام لكلامها وسألها 
ليه حوصل ايه عاد احكي 
تركت الكتاب من يدها وشبكت كلتا يداها في بعضهم مردفة
عرف إن اني وانت ولاد عم وقعد يقول لي هو اكيد اللي عرفك نظام الشغل اهنه وهو إللي فهمك بطريقه ماهر البنان وخد عنديك بقي من الحاجات دي واني كنت واقفة مړعوپة منيه 
ضحك بخفة على طريقتها المړتعبة فزادها خوفا بكلماته 
وه عاد اټرعبتي من أول مواجهة مابينك وبين الأستاذ أمال بقي لما تعرفي أنه حاسس برعبك ده وعارف مېتي تبقي ولا هامك ومېتي تبقي مړعوپة منيه ده بيكشف اللي قدامه من نظرة عين أمال سموه خط المحاكم ليه مش من فراغ ياقلبي 
اتسع فاهها من تخويفه لها وأردفت وهي تفتعل اللامبالاة وأنها لاتتأثر من كلامه 
ولا يهمني عاد وإذا كان هو بقي ماهر البنان اني هبقي رحمة سلطان المهدي اللي القضاه هيعملوا لها حساب بعد إكده لما يشوفوها في المحكمة وبكرة تشوف 
قهقه بشدة على طريقتها وفخرها بذاتها المعتادة عليه 
بالراحة إكده متطلعيش للعالي أوي مرة واحدة لاحسن تدوخي وتقعي على جدور رقبتك 
وتابع حديثه كي يطمئن عليها
قولي لي أخبار المذاكرة إيه تمام ولا انشغلتي بالشغل والمكتب عنيها 
أجابته بثقة 
وه كيف أنشغل عن دراستي دي أهم حاجة بالنسبة لي وهي اللي هتعمل لي مستوى وقيمة في المكتب وفي حياتي كلياتها 
نظر إليها بعشق يلمع داخل عيناه ولكنها لاتراه ولا تشعر به فصعيرته التي عاش معها طفولتها وشبابها قد كبرت وصارت امرأة في جسد أنثى تمني أن ينطلق لسانه ويحاكيها عن عشقه لها لكن دوما لسانه يقف عن حكواها واعترافه لها وعيناه تكتفي بالنظر إليها والتأمل بها خلسة 
لاحظت شروده فسألته باستغراب 
مالك ياجاسر رحت فين إكده 
تحمحم بهدوء وحاول أن يبدوا طبيعيا ثم أجابها
لاا ولا حاجة ياحبيبي انا كويس 
ابتسمت لحنوه ثم أردفت بمحبة 
ياه إنت لسه شايفني البنوتة اللصغيرة بنت العشر سنين وبتعاملني على إني إكده ومكبرتش قد إيه إنت قلبك طيب ويابخت اللي هتكون من نصيبك ياطيب 
كلماتها مفرحة ومحزنة في آن واحد دق قلبه حزنا وفرحا في نفس اللحظة 
ونظر اليها وعيناه لاتكتفي منها عشقا ولا لهفة يود أن يأخذها بين أحضانه ويردد في أذنيها ترنيمات غرامه ويلقي عليها حكواه العاشقة ويحكايها كالأمير والسندريلا أو حكاوي شهريار ويعيش معها الألف ليلة وليلة ولكن ماهذا القدر المعاند لك
أيها الجاسر فهي تراك أخا ولا تراك غير ذلك حسنا فلتصبر حتى تنهى عامها الدراسي وتبدأ رحلتك معاها ولكن تحمل يارجل إن أشعرتك بأنك لست في قلبها ولا عقلها غير أخ واسعى وجاهد كي تنال حلمك الذي سعيت له 
ووجد لسانه ينطق
والله مافي
أطيب من قلبك إنتي ياحبيبي 
ثم قام من مكانه معتذرا لها معللا بالعمل المتراكم عليه وتركها وغادر 
أما هي حدثت حالها بصوت مرتفع وهو مندهشة من تغيراته معها 
ماله إكده النهاردة سرحان ومش على بعضيه ياترى بيحب جديد ده ولا ايه !
وسرعان مانفضت عن بالها وعادت إلي مذاكرتها تؤديها بمهارة فحلمها لن تتنازل عنها وستصل إلي اللقب التى تسعى إليه جاهدة منذ صغرها ألا وهو البروفسيرة رحمة المهدي
انتهى اليوم وجاء الصباح محملا بنسماته واستيقظت مكة ظهرا فهي لم تذهب الى الجامعة اليوم وأول شئ اطمئنت عليه هو وجود سكون أختها لأنها ستذهب معها تلك المقابلة اليوم وجدتها هي الأخري تغفوا في سبات عميق قامت من مكانها وذهبت إليها توفظها من نومها 
سكون سكون قومي عاد علشان منتأخروش 
همهمت الأخرى بكسل
ايه ياقلق إنتي سبيني أنام شوي 
ضړبتها في كتفها بخفة وأردفت بنبرة لحوحة
لع يالا قومي حالا مهستناش إكده هنتأخروا يالا يالا قومي 
قامت من نومها تتأفف وهي ترجع خصلات شعرها المبعثرة من أثر النوم وهي تردد بحدة 
ده إنتي رخمة بلا أرخم واحدة في الدنيا ماكنتي سبيني نايمة شوي 
سبقتها إلى الحمام وهي تردد 
لع هنتأخروا على المعاد يالا قومي ظبطي أمورك نص ساعه وهنتحرك 
وبالفعل قامت سكون من مكانها كي تجهز حالها 
بعد مرور ساعة ونصف هبطت كل منهما السيارة ووقفا أسفل البناية دقات قلب مكة تثور عليها ولم تصدق عيناها أنها تقف أمام المبنى الذي لم تحلم يوما أن تصل إليه بتلك السرعة هاتفت الإعلامية هند كامل وبدورها طلبت منها الصعود إليها فهي الأخرى في انتظارها 
دخلت المبنى وذهبت إلى مكتب السكرتارية كما أدلت إليها وأدخلتهم إليها 
قامت من مكانها ترحب بهم فهي مثال للذوق والتواضع ومعلوم عنها ذلك ولكن الدهشة بدت على معالم وجهها حينما رأتها بالنقاب وأردفت
ايه ده إنتي منتقبة مكنتش أعرف 
ابتسمت وأجابتها بفخر 
أيوه حضرتك وبحب نقابي جدا ومعتزة بيه 
أمائت هند بابتسامة وأردفت
بحب أووي اللي عندهم إصرار وعزيمة لحاجة بيحبوها وبيعتزو بيها وعموما إنتي جميلة في كل حالاتك حبيبتي 
وبعد مرور نصف ساعة يتحدثون في أمور العمل تحدثت هند بتوضيح
أيوه هتبقي المساعدة بتاعتي اللي هتنظم معايا الحلقة اللي بعملها كل أسبوع وهتتابعي الصفحات بتاعتي على السوشيال ميديا كلها ايه كتيير عليكي ولا ايه مع إني مش شايفه كتيير ولا حاجة ده إنتي عملتي حوار رائع ومنظم مع النجم أدم المنسي وبإمكانيات تصوير لاتذكر علشان كدة اختارتك إنتي 
انفرجت أساريرها ولكن سألتها مكة بفضول
بس حضرتك ايه اللي جابك الصعيد وقنا بالتحديد تعملي فيها برنامجك ويبقي الاستديو الخاص بيكي إهنه وإنتي أصلا من القاهرة معلش سؤال فضولي 
ضحكت برقة على استفسارها واجابتها بإبانة 
علشان بكل بساطة اتجوزت صعيدى ياستي بس أنا مابين هنا وهناك 
هزت رأسها وعلى وجهها علامات الابتسامة ثم سألت هند وهي توجه السؤال لسكون
بس أنا معرفتش إنتي تخصصك ايه ياسكون 
أكيد في مجال مشرف زي بنوتتنا الموهوبة مكة 
أجابتها سكون بكل تواضع يليق بها 
تسلمي لي يا أستاذة أني طبيبة نسا وتوليد مخلصة الكلية من سنتين 
ماشاء الله ربنا يحفظكم يا بنات جملة دعائية عقبت بها تلك الهند وتابعت حديثها وهي تناول مكة بعض الأوراق قائلة 
اتفضلي يامكة ده عقد العمل اللي بينا وكل حاجة هتبقي خاصة بيكي هنا العقد مدته خمس سنين ولو أثبتي جدارتك معايا هيتجدد