مراتي
بتفكر في كڈبة قبل ما تقول آه دا لايكي!
لايكي! لايكي مين
شافت الحيرة في عينيا وعدم الفهم في ملامحي كملت كذبتها وهي بتقول لايكي القط بتاع نورا صاحبتي! أصلها جت تزورني والقط خربشني في إيدي! بس عادي كلها چروح سطحية وهتروح بسرعة!
طيب! أظن كدا الموضوع بقى بايخ أوي ولازم يتحط له حد!
عشان كدا فكرت في فكرة أنا هقول لها إني رايح مأمورية تبع الشغل وهبات برا في محافظة تانية يوم أو إتنين خدت شنطة هدوم صغيرة وحطيتها في العربية طلعت على شغلي عادي خلصت الشغل ورجعت على بيت والدتي قلتلها إنها واحشاني وإني جاي أتغدى عندها كلت ونمت في أوضتي القديمة كل دا مراتي فاكراني مسافر محافظة تانية في مأمورية!
البيت كان ضلمة جدا قربت منها بصيت لها عينيها كانت مقلوبة مش باين غير بياض عينيها بس!
قربت منها كانت بتهمس بحروف مش مفهومة ن د و!
قعدت على السرير إيه الحالة اللي هي فيها دي بصيت في المراية وساعتها خدت بالي من حاجة غريبة حاجة مش طبيعية!
درفة الدولاب كانت مواربة وفيه حاجة بتتحرك جوا!
فيه حد مستخبي في الدولاب!
رحت فتحت درفة الدولاب
كان واقف في ركن الدولاب الدولاب بتاعنا كان من النوع الواسع ممكن بني آدم يقف جواه مرتاح بس دا اللي قدامي مكانش بني آدم!
وقفت مكاني ڠصب عني! أنا كنت عايز أهرب من هنا!
من الأوضة دي! من البيت دا كله! بس مقدرتش أتحرك! الخۏف شل حركتي تماما!
جسمي كله كان بيترعش لفيت بالراحة وأنا ببلع ريقي بصعوبة بصيت على المكان اللي كان فيه على ركن الدولاب الضلمة
بس هو مكانش هناك!
الدولاب كان فاضي!
سمعت صوته من ورايا بيقول هتهرب مني
وقبل ما أرد عليه حسيت بيه بيحط إيده التقيلة على كتفي إيد مبلولة غرقانة مية تقيلة قد تقل الخۏف في قلبي!
بصيت ورايا بسرعة بس مكانش له أثر!
بس أنا مش بيتهيألي المكان المبلول اللي على كتفي يشهد إنه كان موجود مش بيتهيألي!
جسمي كله بدأ يترعش دورت
عليه في الأوضة كلها
بس
مكانش له أي أثر! كأنه مكانش هنا أبدا فجأة حسيت بنقط مية بتنزل عليا من السقف قلبي وقف من
