روايه رائعه للكاتبه ريهام ابو المجد
واڼصدمت لما لاقت دموعه على خده قربت منه وحطت إيدها على خده وهي بټعيط وقالت آدم أنت بټعيط يا حبيبي.
آدم عشان كنت حاسس إني هخسرك يا آسيا.
آسيا بندم أنا أسفة يا آدم والله ما هتتكرر تاني.
آدم قام بعصبية وقال وهو أنا هسمحلك أنها تتكرر
تاني يا آسيا.
آسيا قامت وراه جامد وقالت آدم أنا عارفة إني غلطت بس كان ڠصب عني مكنشي قدامي حل تاني ياسمين هددتني إنها هتخلص على حياتها لو قولتلك وخلتني وعدتها أنا عارفة إني غلط بس أنا مش قادرة استحمل زعلك دا أنت أول مرة تعاملني كدا حاسة إني غريبة عنك.
هي مش متخيلة لو مكنشي لحقها كان ممكن يعملوا فيها أي.
آسيا رفعت راسها ليه وقالت أول مرة يا آدم.
آدم آسيا سبيني لوحدي دلوقتي لحد ما اهدي أنا جوايا حرب أنتي متعرفيش عنها حاجة.
آسيا بعياط آدم حبيبي أنا أسفة سامحني أنت سامحت ياسمين سامحني أنا كمان عشان خاطري.
آدم بعصبية سامحت ياسمين عشان هي غلطها مش زيك أنتي غلطك أكبر أنتي مش متصورة كانوا ممكن يعملوا فيكي أي وبعدين أنتي مش زي ياسمين هي أختي إنما أنتي مراتي وحبيبتي وشريكة حياتي احنا اخدنا وعد اننا نتشارك في الحلوة والۏحشة أننا منخبيش حاجة عن بعض ومهما حصل لازم إيدنا تكون في إيد بعض يا آسيا.
آسيا قربت منه وقالت لو الوحدة من نصيبك فأنت كمان من نصيبي ومن حقي أشاركك في وحدتك دي.
آدم هدي شوية بعد كلامها دا وقال أنا حصلت عليكي بعد معاناة يا آسيا وأنتي مش مقدرة دا أنا بخاف عليكي أكتر من أي حد بخاف عليكي من روحي ونفسي أنتي متهورة يا آسيا ومعتمدة على حبي ليكي وعارفة إني مش بقدر على زعلك.
آسيا آدم أنا مش كدا وزي ما بتحبني أنا كمان بحبك عارفة إن حبك ليا أكبر وأنا مقدرة غضبك ومش زعلانة منك أنا زعلانة من نفسي عشان زعلتك والله حقك على قلبي يا آدم.
قربت منه وقالت آدم تعالى أداوي چرحك.
آدم شاور على قلبه وقال طب ومين يداوي دا
آسيا قربت منه وحطت إيدها على قلبه وحطت راسها على صدره وقالت أنت قولتلي إن دا مكاني وإن مهما حصل مبعدشي عنه ولو زعلتني أجي أشتكيله منك وهو هيجبلي حقي.
آدم بص في عيونها وقرب منها وباسها بحب وقال آسيا سامحيني لو قسيت عليكي بس دا كان من خۏفي عليكي يا حبيبتي أنا بحبك اووي وكنت خاېف أخسرك.
آسيا ضحكت ولاعبت أنفها بأنفه وقالت يعني خلاص صافي يا لبن.
آدم ضمھا ليه من وسطها وقال وهو بيلاعب أنفها حليب يا قشطة يا أجمل من القشطة.
آدم بعبوس طب مش هتداوي إيدي.
آسيا بخضة ايوا تعالى يا حبيبي.
آدم ضحك ومشي معاها وهي قعدته على السرير وفتحت الدرج اللي جنبها وطلعت علبة الإسعافات وجات تطهرله الچرح معرفتشي.
آسيا بخجل آدم ممكن تخلع القميص دا عشان أعرف أشوف الچرح حلو.
آدم غمز لها وقال تشوفي الچرح بردك ولا حاجة تانية
آسيا ضړبته في صدره وقالت اتلم كدا عيب.
آسيا بخجل هو أنا كدا عجبك ولا لا
آدم بضحك أي حاجة منك بتعجبني يا حبيبتي.
آدم حب يغلس عليها ويشوف خجلها اللي بيجننه دا وبالذات لما خدودها بتبقى شبه الفراولة.
آدم بتمثيل طب خلعهولي أنتي أصل دراعي بيوحعني ومش عارف أحركه.
آسيا صدقته وقالت بخجل حاضر متحركهوش أنت ألف سلامة عليك يا حبيبي.
_ بقلمي ريهام أبو المجد _
قامت وقفت وهو كمان وقف وقربت منه بخجل وبدأت تفك زراير القميص وهو بيبصلها بتوهان وفرحان بخجلها دا وهي بدأت تخلعوله بالراحة عشان متحركشي دراعه وهو استغل دا وضمھا ليه بقوة لحد ما خبطت في صدره وقالت بتأوه آدم.
آدم بحب قلبه.
آسيا بخجل ابعد شوية عشان أعرف أكمل وبطل تستغل كل فرصة كدا.
آدم ضحك بخبث وقال وهو حد يشوفك ويكون قريب منك وميستغلشي الفرص دا حتى يبقى غبي.
آسيا ضحكت وهزت راسها وقالت مش هتتغير أبدا.
آدم ضحك ضحكته الرجولية اللي هي بتحبها وقال لا مش هتغير اتعودي بقى عشان مش كل مرة وشك يقلب فراولة كدا.
آسيا حاولت تبعد عنه بس معرفتشي كان متحكم فيها فاستسلمت وحطت راسها على صدره بخجل وهو فرح وقال تعرفي إنك بتوحشي مكانك دايما يا آسيا.
آسيا بخجل وبصوت هامس وبيوحشني أنا كمان.
آدم سمعها وقال بضحك ايوا كدا اتجاوبي معايا.
آسيا خبطته في ضهره وقالت بطل رخامة بقى.
آدم رخامة ولا سيراميك.
آسيا بعدت عنه جامد وقالت ظريف اووي مكنتش أعرف.
آدم بضحك طول عمري يا بنتي.
آسيا طب تعالى
